Мақалалар
KZ RU
Платформа қалай жұмыс істейді

Резиденттер матчтарға болжам жасайды, жүйе нәтиже шыққанда болжамды өзі есептейді. Ұпай мен пайда резиденттің бетінде жиналады.

Лентада кез келген қатысушы жаза алады, «@» арқылы резидентті белгілеуге болады.

Резиденттер рейтингі Болжамдар лентасы

Жақын матчтар

Үлкен футболға қайта оралған Роналдиньо ерекше үндеу жасады

46 жасында үлкен футболға қайта оралып, алғашқы ойынында командасымен бірге жеңіске жеткен бразилиялық шабуылшы Роналдиньо өз жанкүйерлеріне ыстық ықыласын білдірді.

Алихан Ибраев
Автор ·
2 минут оқу
Үлкен футболға қайта оралған Роналдиньо ерекше үндеу жасады
Роналдиньо. Фото: Getty Images

Еске салайық, 11 жылдық үзілістен кейін Роналдиньо Италияның C сериясындағы «Равенна» клубында мансабын қайта жалғастырды. 15 қарашада ол «Форли» клубына қарсы матчта алаңға шығып, бірінші тайм толық ойнады және есептің ашылуына өз үлесін қосты. Нәтижесінде бразилиялықтың клубы 2:0 есебімен жеңіске жетті.

Осы ойыннан кейін Роналдиньо өз жанкүйерлері мен қолдау көрсеткен әріптестеріне алғысын айтты:

«Ресми матчта қайта алаңға ыққаныма өте қуаныштымын… Мен бірнеше жыл демалдым, бірақ енді қайта оралатын сәт туды. Әзіл әзілімен, бірақ командаластармен жанкүйерге толы стадионда өнер көрсету ерекше ләззат сыйлады. Бұл менің өмірімдегі ең керемет, әсерлі шақтардың бірі деп айта аламын.

Мен әлі ешкім бағындырмаған жаңа биікті бағындырғанды жақсы көретінімді білесіздер. Адреналин, алаңдағы шөптің иісі, доппен ойнау – бұл ерекше сезім. Маған сеніп, арманымның орындалуына көмектескен достарым Лоренцо, Игнасио және Джузеппе Чиприаниге, сондай-ақ «Равенна» командасына түгел рахметімді айтамын. Біз Италияны және бүкіл әлемді бағындыруға жұмысты жалғастырамыз. Біз дұрыс жолдамыз, мен сенімдімін.

Осы матчқа келген, мені қолдаған барлық жанкүйерге алғысым шексіз. Қайта кездескенше, менің жаңа отбасым», - деп жазды Роналдиньо әлеуметтік желідегі парақшасында.

Даңқты футболшы 2015 жылдан бастап футбол ойнауды қойса, 2018 жылы мұны ресми мәлімдеді. 2020 жылы Парагвайға барып, жалған паспортпен ұсталып, 32 тәулік түрмеде жатты.

Пікірлер (0)

Қазақстан Республикасының Мәдениет және ақпарат министрлігі 03.03.2025 ж. № KZ93VPY00113785 тіркеу куәлігін берді.

© 2026 «Fonteam» ақпарат агенттігі. Барлық құқықтары қорғалған. Кез келген материалды көшіріп жариялау кезде Fonteam.kz сайтына тікелей сілтеме жасалуы тиіс.