Қазақстан U-17 құрамасы Ресейден басым түсті

Ресей матчта есеп ашты

Қазақстан мен Ресейдің U-17 құрамалары арасындағы жолдастық кездесу Шымкенттегі "БИІК" стадионында өтті. Ойынның бастапқы бөлігінде ресейлік футболшылар алға шықты. 10-минутта Артём Мазманян гол соқты. 

Бірақ алаң иелері үзіліске дейін таразы басын теңестіре алды. 32-минутта Әнуар Төленді нәтижелі соққысымен көзге түсті.

Екінші таймда қос команда да жеңіс голын соғуға мүмкіндік іздеді. Матч тағдыры 79-минутта шешілді. Ислам Рашидов Ресей қақпасын дәл көздеп, ұлттық құрамаға 2:1 есебімен жеңіс әкелді.

Осылайша Қазақстан U-17 құрамасы қарсыласынан қарымта қайтарды.

Қазақстан Ресейден қарымта қайтарды

Айта кетейік, екі команданың алғашқы жолдастық матчы 2 қазанда өткен. Негізгі уақыт 2:2 есебімен аяқталып, жеңімпаз пенальти сериясында анықталды.

Онда Ресей құрамасы 7:6 есебімен басым түскен еді. Ал екінші кездесуде қазақстандық футболшылар есепте қалып қойғанына қарамастан екі гол соғып, 2:1 есебімен жеңіске жетті.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.