Мақалалар
Fonbet
KZ RU
Платформа қалай жұмыс істейді

Резиденттер матчтарға болжам жасайды, жүйе нәтиже шыққанда болжамды өзі есептейді. Ұпай мен пайда резиденттің бетінде жиналады.

Лентада кез келген қатысушы жаза алады, «@» арқылы резидентті белгілеуге болады.

Резиденттер рейтингі Болжамдар лентасы

Жақын матчтар

Қазақстан футбол федерациясы Каспийдегі қайғылы оқиғаға байланысты көңіл айтты

Қазақстан футбол федерациясы Каспий теңізінің жағалауында өткен әскери оқу-жаттығу кезінде қаза тапқан әскери қызметшілердің туған-туыстары мен жақындарына көңіл айтты.

Fonteam редактор
Автор ·
2 минут оқу
Қазақстан футбол федерациясы Каспийдегі қайғылы оқиғаға байланысты көңіл айтты
ФОТО: reposta.kz

Федерация Маңғыстау облысында болған қайғылы оқиғадан кейін арнайы үндеу жариялап, марқұмдардың отбасыларына қолдау білдірді.

«Қазақстан футбол федерациясы Маңғыстау облысында әскери қызметшілердің қаза табуына байланысты марқұмдардың отбасылары мен жақындарына қайғырып көңіл айтады», - делінген ҚФФ хабарламасында.

Қайғылы оқиға 24 қыркүйекте Қазақстан Әскери-теңіз күштерінің оқу-жаттығуы кезінде болды. Каспий теңізінің жағалауында оқу-жауынгерлік тапсырманы орындау барысында ауа райы күрт бұзылып, жел күшейген. Соның салдарынан бір топ әскери қызметші теңізге түсіп кеткен.

Кейін Қорғаныс министрлігі 12 әскери қызметшінің қаза тапқанын ресми түрде растады. Олардың арасында бір аға лейтенант пен 11 мерзімді әскери қызметші болған. Ведомство марқұмдардың есімдерін жариялап, олардың отбасылары мен жақындарына көңіл айтты.

Нақтыланған мәлімет бойынша, үш әскери қызметші құтқарылды, тағы екі адамды іздеу жұмыстары жалғасты.

Оқиғаға байланысты қылмыстық іс қозғалып, қайғылы жағдайдың барлық мән-жайын анықтау үшін Үкіметтік комиссия құрылды. Қазақстан Президенті Қасым-Жомарт Тоқаев оқиғаның себептерін жан-жақты анықтап, қаза тапқандардың отбасыларына қажетті көмек көрсетуді тапсырды.

Әскери қызметшілердің қаза болуына байланысты 25 қыркүйек Қазақстанда жалпыұлттық аза тұту күні деп жарияланды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.

Пікірлер (0)

Қазақстан Республикасының Мәдениет және ақпарат министрлігі 03.03.2025 ж. № KZ93VPY00113785 тіркеу куәлігін берді.

© 2026 «Fonteam» ақпарат агенттігі. Барлық құқықтары қорғалған. Кез келген материалды көшіріп жариялау кезде Fonteam.kz сайтына тікелей сілтеме жасалуы тиіс.

21+. Fonbet — «Domina Fortuna (Домина Фортуна)» ЖШС, 31.08.2021 ж. берілген № 21025302 лицензия. Заңды мекенжайы: Қазақстан Республикасы, Ақмола облысы, Бурабай ауданы, Щучинск қ.ә., Щучинск қ., Санаторий Светлый көшесі, 11-үй. Сайт: fonbet.kz