«Шахтер» 18 жастағы Әлихан Әлиге 50 миллион теңге ұсынды

AmanVIBE мәліметінше⁠, қарағандылық клуб 18 жастағы футболшының трансфері үшін 50 миллион теңге төлеуге дайын болған. Алайда шымкенттік команда басшылығы ұсынысты қабылдамай, негізгі ойыншыларының бірін жіберуден бас тартқан.

«Оңтүстік академиясы» жас шабуылшының алдағы уақытта шеберлігін арттырып, оның нарықтағы бағасы едәуір өседі деп есептейді. Сондықтан клуб Әлиханды әзірге командада қалдыруды жөн көрген.

Әлихан Әли биыл Бірінші лигада нәтижелі ойын өрнегін көрсетіп жүр. Ол осы маусымда 19 матчқа қатысып, қарсыластар қақпасына 13 гол соққан. Қазақстан жастар құрамасының ойыншысы чемпионаттағы мергендер қатарына енді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.