Родри «Барселонадағы» алғашқы ойынында Эрик Гарсияның мұрнын сындырды

Оқиға матчтың 25-минутында бұрыштама добын орындау кезінде болды. Айып алаңында допқа таласқан Родри артында тұрған Гарсияны байқамай, маңдайымен оның бетінен соғып кетті.

Соққыдан кейін Гарсияның мұрнынан қан кетіп, ол ойынды жалғастыра алмады. 28-минутта оның орнына Жюль Кунде алаңға шықты.

Медициналық тексеріс 25 жастағы футболшының мұрны сынғанын көрсетті. Енді дәрігерлер оған ота жасау қажет пе, жоқ па — соны анықтауы керек.

Осылайша Эрик Гарсия мұрнынан екінші рет жарақат алды. Ол 2025 жылдың қарашасында Чемпиондар лигасындағы «Брюггеге» қарсы кездесуде де мұрнын сындырған еді. Сол кезде ота жасалмай, футболшы екі айға жуық қорғаныш бетпердесімен ойнады.

Родри үшін бұл «Барселонаның» негізгі құрамындағы алғашқы матч болды. Алайда оның сәтсіз қимылы командаласының ойынды ерте аяқтауына әкелді.

Кездесуде каталониялық клуб «Валенсияны» 5:0 есебімен ойсырата жеңді. Гарсияның жарақатына қарамастан, ол алдағы Чемпиондар лигасында «Фейеноордқа» қарсы матчқа бәрібір қатыса алмайтын еді. Бұған оның өткен маусымда «Атлетикоға» қарсы ойында алған қызыл қағазы себеп.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.