«Барселона» Мессиді жаңа «Камп Ноудың» ашылуына шақырмақ
ашық дереккөзден
2021 жылы клуб қаржылық қиындықтарға байланысты оған жаңа келісімшарт ұсына алмаған еді.
Каталониялық клуб өз алаңы – «Камп Ноуды» қайта жаңғыртып жатыр. Жаңартылған стадионда Ханс-Дитер Фликтің командасы жақын арада ойнай бастайды. Дегенмен құрылыс толық аяқталған жоқ.
Стадионның ресми ашылуы 2026/27 жылғы маусым қарсаңында, шатыр орнатылып болған соң өтеді деп жоспарланған. Осы салтанатты сәтте клуб өз аңыз ойыншысы – Лионель Мессиге арнайы құрмет көрсетпек.
Mundo Deportivo басылымының хабарлауынша, «Барселона» Мессиді 2026 жылдың жазында өтетін жаңа «Камп Ноудың» ашылу рәсіміне шақыруды жоспарлап отыр. Еске сала кетейік, 2021 жылы клуб қаржылық қиындықтарға байланысты оған жаңа келісімшарт ұсына алмаған еді.
