«ПСЖ» «Реалды» ойсырата ұтып, клубтық рекорд орнатты

«Пари Сен-Жермен» Клубтық әлем чемпионатының жартылай финалында «Реалды» 4:0 есебімен жеңіп, клуб тарихындағы жаңа рекорд орнатты. Кездесу АҚШ-тың Нью-Джерси штатындағы Ист-Ратерфорд қаласындағы «Метлайф» стадионында өтті.

Opta компаниясының деректеріне сәйкес, бұл жеңіс 2024/25 маусымында ПСЖ үшін 49-ыншы жеңіс болып тіркелді. Бұл – француз клубы тарихындағы барлық турнирлердегі бір маусымда ең көп жеңіске жеткен көрсеткіш. Бұған дейінгі рекорд 2015/16 маусымында тіркелген болатын – сол кезде Лоран Бланның командасы 59 матчта 47 жеңіске жеткен.

Луис Энрике жаттықтыратын команда биылғы маусымда әзірге 64 ресми матч өткізіп отыр. Оның ішінде:

• Лига 1-де — 26 жеңіс

• Чемпиондар лигасында — 11

• Франция Кубогында — 6

• Клубтық әлем чемпионатында — 5

• Франция Суперкубогында — 1 жеңіс

Енді париждік клубтың алдында маусымды бесінші трофеймен аяқтау мүмкіндігі тұр. Клубтық әлем чемпионатының финалында ПСЖ «Челсимен» кездеседі. Шешуші матч 13 шілдеден 14-іне қараған түні, сол «Метлайф» стадионында өтеді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.