Ұлттық құрама ойыншысы Еуропаға қайта оралуды жоспарлап отыр – Кенжебек «Елімайда» маусым соңына дейін ойнайды

Қазақстан құрамасының және «Елімай» клубының жартылай қорғаушысы Ғалымжан Кенжебек алдағы уақытта Еуропаға қайта оралуды жоспарлап отыр. Бұл туралы ұлттық құраманың жаттықтырушылар штабының мүшесі Елдос Ахметов «Fonteam» YouTube-арнасыда айтты.

— Астанада біраз уақыт бірге жаттығу өткіздік. Ғалымжан соңына дейін шетелдік клубтардан нақты ұсыныс күтті. Бірақ ұзақ мерзімді келісімшарт болмаған секілді. Уақыт тығыз болғандықтан, шешім қабылдауға тура келді. Оның айтуынша, жыл соңына дейін «Елімай» сапында ойнайды, кейін Еуропаға қайта барады, — деді Ахметов.

Айта кетейік, 2 шілде күні Кенжебек Словакияның «Кошице» клубынан кететінін жариялап, араға бір күн салып, 3 шілдеде «Елімаймен» ресми келісімшартқа қол қойған болатын.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.