Дастан Сатпаев – Чемпиондар Лигасында гол соққан ең жас қазақстандық ойыншы
Фото: ФК "Қайрат"
Жауапты кездесу 15 шілдеде Алматыда өтеді.
«Қайрат» шабуылшысы Дастан Сатпаев футбол тарихына есімін жазды. Ол Чемпиондар лигасында гол соққан ең жас қазақстандық футболшы атанды.
16 жастағы форвард Словенияның «Олимпиясына» қарсы сырт алаңдағы матчтың 59-минутында мергендік танытты. Ойын 1:1 есебімен тең аяқталды.
Жауапты кездесу 15 шілдеде Алматыда өтеді. Бұл жұптың жеңімпазы екінші іріктеу кезеңінде КуПС (Финляндия) – «Милсами» (Молдова) кездесулерінің жеңімпазымен кездеседі. Айта кетейік, алғашқы ойында КуПС 1:0 есебімен басым түсті.
Жаңа еурокубоктық маусымда Қазақстаннан «Қайратпен» қатар «Астана», «Ордабасы» және «Ақтөбе» клубтары да сынға түседі.
