«Наполи» Дарвин Нуньес үшін «Ливерпулге» €54,5 млн ұсынды — Ди Марцио

Италиялық «Наполи» «Ливерпульдің» уругвайлық шабуылшысы Дарвин Нуньеске ресми түрде ұсыныс жасады. Бұл туралы танымал инсайдер Джанлука Ди Марцио хабарлады. Клуб €54,5 млн көлемінде трансферлік ұсыныс жіберген.

Бұған дейін Нуньес «Наполимен» 2030 жылға дейінгі келісімшарт талаптарын мақұлдағаны айтылған. Сондай-ақ футболшы Сауд Арабиясынан түскен бірнеше ұсыныстан бас тартып, Еуропада қалуды қалағаны белгілі болды.

Нуньес 2022 жылы «Ливерпульге» €75+25 млн көлеміндегі рекордтық трансфермен ауысқан. Өткен маусымда ол АПЛ-де 30 матчқа қатысып, 5 гол соғып, 2 пас берген. Ал Чемпиондар лигасында 1/8 финалда «ПСЖ»-ға қарсы пенальти сериясында маңызды мүмкіндікті жіберіп алғаны есте қалды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.