Арне Слот "Ливерпульді" келесі маусымда да басқара бермек

«Ливерпуль» клубының басшылығы осы маусымдағы сәтсіз нәтижелерге қарамастан бас бапкер Арне Слотты қызметінде қалдыру туралы шешім қабылдады.

2025/26 маусымында «Ливерпуль» бірде-бір трофей жеңіп ала алмады, дегенмен жазғы трансферлік кезеңде клуб 546 миллион еуро жұмсаған болатын. Соған қарамастан, клуб басшылығы Слотқа сенім білдіріп, оның командамен жұмысын жалғастырғанын қалайды. Алайда Sky Sports мәліметінше, соңғы шешім қабылдаудағы басты фактор — «Ливерпульдің» келесі маусымда Чемпиондар лигасына жолдама алуы болмақ.

Қазіргі таңда Англия чемпионатында «Ливерпуль» бесінші орында келеді. Қалған бес матчта команда «Кристал Пэлас», «Манчестер Юнайтед», «Челси», «Астон Вилла» және «Брентфордпен» кездеседі.