«Ордабасы» президенті: клубтың атауын өзгертеміз, бірақ мағынасы мен тарихы сол күйінде қалады

«Клубтың атауын өзгертуді жоспарлап отырмыз. «FC Orda Shymkent» болғанын қалаймыз. Біздің мақсат – болашақта Еуропада ойнау. «Ордабасы» деп созғанша, «Орда» деп айтқан дұрыс секілді.

«Ордабасы» деген негізгі сөзден алысқа кеткен жоқпыз. «Орда» деп қысқартсақ, шетелден келген азаматтарға да, еуропалықтарға да оңай естіледі. Бірақ мағынасы мен тарихы өзгермейді. Ойын формамыз да, логотипіміз де ауысады. Осы маусымда барлығын дайындап, жанкүйерлер назарына ұсынамыз. Өзгеріс келесі маусымнан бастап күшіне енеді деген жоспар бар», – деді Қызайбаев «Бірінші бол» арнасындағы подкастта.

«Ордабасы» 12 турдың қорытындысы бойынша 28 ұпаймен ҚПЛ-да көш бастап келеді. Екінші орындағы «Қайраттан» екі ұпайға алда келеді және артық бір ойыны бар.

Шымкенттік клуб күні кеше 34 жастағы норвегиялық шабуылшы Бьорн Йонсенмен келісімшартқа отырды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.