Ислам Чесноков FONBET-тің Қазақстандағы алғашқы амбассадоры атанды

Ислам Чесноковпен жасалған серіктестік FONBET-тің Қазақстан нарығындағы дамуының жаңа кезеңіне жол ашып, брендтің елдегі спорт жанкүйерлерімен байланысын нығайтуға бағытталған маңызды қадам болмақ.

Исламның FONBET-тің Қазақстандағы алғашқы амбассадоры ретінде таңдалуы кездейсоқ емес. Ол – үлкен мақсаттарға ұмтылатын, заманауи көзқарастағы әрі өршіл қазақстандық футболдың жаңа буынының өкілі. Оның бойындағы мінез, амбиция және үнемі алға ұмтылу қасиеттері FONBET-тің спортты дамытуға және жанкүйерлермен байланыс орнатуға деген ұстанымымен үндеседі.

Серіктестік аясында Ислам Чесноков FONBET-тің жарнамалық және цифрлық науқандарына, брендтің арнайы жобаларына, сондай-ақ спорттық және әлеуметтік бастамаларына қатысады.

Ислам Чесноков серіктестікке қатысты пікір білдірді:

«Мен үшін FONBET-тің Қазақстандағы алғашқы амбассадоры атану – үлкен мәртебе. Спорт әрдайым эмоциямен, мінезбен және алға ұмтылумен тығыз байланысты. FONBET-тің ұстанымы мен брендтің Қазақстандағы спорттың дамуына ерекше көңіл бөлуі маған жақын. Осы команданың бір бөлігі болғаныма қуаныштымын. Алда бізді көптеген қызықты жобалар күтіп тұрғанына сенімдімін», – деді футболшы.

FONBET Қазақстан өкілі де пікір білдірді:

«Біз үшін бұл – ерекше сәт. Ислам Чесноков брендтің жаңа келбеті ғана емес, FONBET-тің Қазақстандағы алғашқы амбассадоры атанып отыр. Сондықтан заманауи қазақстандық спорттың болмысын табиғи түрде көрсете алатын тұлғаны таңдау біз үшін аса маңызды болды.

Ислам – қазақстандық спортшылардың жаңа буынының жарқын өкілі. Оның мінезі, амбициясы, дамуға және бұдан да биік белестерді бағындыруға деген ұмтылысы бізге жақын. Біз онымен бірге жанкүйерлерге қызықты болатын әрі спортты аудиторияға жақындата түсетін жобаларды жүзеге асырғымыз келеді. Бұл – FONBET-тің Қазақстандағы амбассадорлық бағытын дамытудағы алғашқы қадам», – деді компания өкілі.

Ислам Чесноковпен серіктестік FONBET-тің Қазақстандағы жергілікті әріптестіктерді дамытуға және елдің спорт мәдениетіндегі брендтің орнын нығайтуға бағытталған ұзақмерзімді стратегиясының бір бөлігі болмақ.

FONBET туралы

FONBET – кәсіби және бұқаралық спортты белсенді қолдайтын халықаралық букмекерлік бренд. Қазақстанда компания спорт ұйымдарымен, командалармен және спортшылармен серіктестік жобаларды жүзеге асырып, жанкүйерлермен өзара байланыс орнатудың жаңа форматтарын қалыптастырады.

Сондай-ақ компания Қазақстан аумағында еурокубок матчтарының трансляцияларын қолдап, өзі де ұйымдастырады. Өткен маусымда «Қайрат» пен Ресей құрамасының бұрынғы футболшысы Андрей Аршавинді «Реалға» қарсы матчқа орай Қазақстанға шақырып, жанкүйерлермен кездесу өткізген болатын.