Өзбекстан футболшылары Азия ойындарында үш матчтың бәрін жеңді

С тобының соңғы турында Өзбекстан құрамасы Вьетнаммен кездесті. Нагояда өткен матч өзбек футболшыларының 2:0 есебімен жеңісімен аяқталды. Кездесудің 5-минутында Мұхаммадали Урингбоев есеп ашса, 67-минутта Нұрлан Ибраимов есеп айырмасын еселеді.

Плей-оффқа жолдаманы жеңіп алды

Осылайша Өзбекстан құрамасы үш матчтың үшеуінде де жеңіске жетіп, 9 ұпаймен С тобында бірінші орын алды. Команда ширек финалда Оңтүстік Корея немесе Сауд Арабиясымен кездеседі. Вьетнам құрамасы да плей-офф кезеңіне өтті. Алайда олар топта екінші орын алды.

Айта кетейік, Азия ойындарының футбол турниріне барлығы 15 құрама қатысып жатыр. Оның сегізі ширек финалға шығады.

Қазақстан құрамасы Азия ойындарының футбол турниріне қатыспайды. Қазақстан футболы УЕФА аясында өнер көрсетеді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.