Клубтық әлем чемпионатында екі команда плей-офф кезеңіне мерзімінен бұрын жолдама алды

Айта кетерлігі, бразилиялық клуб D тобында бірінші орынды алдын ала қамтамасыз етті.

«Фламенго» — топ көшбасшысы

Алғашқы екі турда «Фламенго» «Эсперансты» (2:0) және «Челсиді» (3:1) сенімді түрде жеңіп, 6 ұпаймен көш бастады. Үшінші турда «Лос-Анджелеспен» ойнайтын бұл команда, нәтиже қандай болса да, топтан бірінші орынмен шығады.

Олар 1/8 финалда С тобында екінші орын алатын командамен кездеседі.

«Бавария» да келесі кезеңге өтті

Германиялық ұжым өз тобында «Окленд Ситиді» (10:0) және «Бока Хуниорсты» (2:1) ұтып, 6 ұпаймен плей-оффты уақытынан бұрын қамтамасыз етті. Бірақ қай орыннан шығатыны әлі белгісіз – соңғы турда «Бенфикамен» кездеседі.

Фламенго мен Бавария 1/8 финалда жолығуы мүмкін

Егер «Бавария» соңғы турда «Бенфикадан» ұтылса, онда олар екінші орынмен шығып, 1/8 финалда «Фламенгомен» кездесуі ықтимал.

Қазіргі уақытта турнирден теориялық тұрғыда да шығу мүмкіндігін жоғалтқан жалғыз команда — «Окленд Сити».
Жаңа Зеландия ұжымы алғашқы екі ойында 0:16 есебімен жеңілді.