УЕФА ФИФА-дағы даулы оқиғадан кейін жаңа мәлімдеме жасады

Еуропалық футбол қауымдастығының мәлімдеуінше, футболдың болашағына әсер ететін маңызды шешімдер жабық түрде қабылданбауы тиіс. Ұйым белгісіз тұлғалар әзірлеген және ойынға күмәнді ғана пайда әкелетін жобаларды қолдамайтынын атап өтті.

«Футбол сатылмайды. Болған жағдайға қатысы бар адамдардың жауапкершілігі қаралып, мұндай оқиғалардың қайталануына жол бермейтін нақты жоспар әзірленуі қажет», – делінген УЕФА мәлімдемесінде.

Сондай-ақ ұйым қазіргі ФИФА басшылығының тек УЕФА емес, әлемдік футбол қауымдастығының көптеген мүшесінің сенімінен айырылғанын мәлімдеді. УЕФА Джанни Инфантиноның 2016 жылғы сайлауалды уәделерінде айтылған басқарудың ашықтығы мен қаржыны әділ бөлу қағидаттары орындалмағанын сынға алды.

Ұйымның пікірінше, ФИФА-ның 5 миллиард доллардан асатын резерві бола тұра, бұл қаражат ұлттық қауымдастықтар мен бұқаралық футболды дамытуға жеткілікті деңгейде бағытталмаған. Осыған байланысты УЕФА FIFA Forward бағдарламасы аясында қаржыны бөлудің жаңа моделін әзірлеу үшін өзге конфедерациялармен бірлесіп жұмыс істейтінін хабарлады.

УЕФА бұл жағдайды бүкіл футбол қауымдастығы үшін маңызды жеңіс деп бағалағанымен, ендігі басты міндет – ФИФА-ға деген сенімді қалпына келтіру екенін жеткізді.

Еске салайық, бұған дейін УЕФА, АФК және КОНКАКАФ ықтимал реформаларға бірауыздан қарсы шығып, жаңа ережелер қабылданған жағдайда өз жарыстарына қатысудан бас тартуы мүмкін екенін мәлімдеген еді.

Бұған дейін The Times басылымы Джанни Инфантино ФИФА-ның коммерциялық құқықтарының бір бөлігін жеке инвесторларға сатуды жоспарлағанын хабарлаған. Басылымның мәліметінше, бұл жоба ерлер мен әйелдер арасындағы әлем чемпионаттары мен клубтық әлем чемпионатын басқаратын жеке компания құруды көздейді және ФИФА басшысына ондаған миллион доллар табыс әкелуі мүмкін болған.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.