Сәтпаевқа бәсекелес: «Челси» «Байердің» 18 жасар талантын 40 млн еуроға сатып алуы мүмкін

Неміс клубы 18 жастағы босниялық ойыншы үшін 40 миллион еуро алғысы келеді, дегенмен Transfermarkt оны 25 миллионға бағалап отыр. Қазіргі уақытта лондондықтар футболшының өзімен жеке келісімшарт шарттарын әлі келісе қойған жоқ. Егер трансфер жүзеге асса, Алайбегович «көктердің» шабуыл шебінде қазақстандық Дастан Сәтпаевтың тікелей бәсекелесіне айналады.

Өткен маусым Алайбегович үшін өте табысты болды: ол «Байер» сапында барлық турнирде 44 матч өткізіп, 13 гол соқты және төрт нәтижелі пас берді. Бұдан бөлек, жас вингер 2026 жылғы әлем чемпионатында Босния және Герцеговина құрамасы сапында өнер көрсетіп, төрт ойында бір гол соқты.

Қазақстан құрамасының 17 жастағы шабуылшысы Дастан Сәтпаев алматылық «Қайраттан» лондондық «Челсиге» ауысқан еді. Ол «көктердің» Аустралия мен Оңтүстік-Шығыс Азиядағы маусымашар турнесіне қатысатын футболшылар тізіміне енді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.