УЕФА «Астананы» қаржылық ережелерді бұзғаны үшін айыппұлға тартты

Бұл туралы одақтың ресми сайтында жарияланды.

Тексеру үш жылдық кезеңді (2023–2025 қаржылық жылдары) қамтыды және активтерді сату, ойыншылармен айырбас, сондай-ақ байланысты тараптар арасындағы трансферлер бойынша мәмілелерді талдады. Мұндай операциялардан түскен табыс талаптарға сай деп танылмағандықтан, клубтар тарапынан түзетулер енгізу қажеттігі туындады.

Кірістер бойынша бұзушылықтар: айыппұлға «Ньюкасл», «Ювентус», «Ницца», «Санта-Клара», «Астана» және «Партизан» ілікті.

«Ювентус» ең қатаң жазаға тартылды – 20 млн еуро айыппұл, оның 14 миллионы шартты (тек қайталанса ғана төленеді).

«Ньюкасл» 10 млн еуро айыппұлға ұшырады (7 миллионы шартты).

«Ницца» мен «Санта-Клара» бұзушылықтардың уақытша екенін дәлелдеді. Франциялық клуб 2 млн еуро (1,7 миллионы шартты), португалиялық клуб 1 млн еуро (850 мыңы шартты) төлейді.

«Астана» мен «Партизан» болмашы бұзушылықтарға жол беріп, тиісінше 100 мың және 200 мың еуро көлемінде айыппұл төлеуге міндеттелді.

Клубтар сәйкессіздіктерді үш жыл ішінде жоюға келісті.

Бұған дейін «Астананың» бас бапкері Григорий Бабаян командадағы ауыр мәселелер туралы еурокубок додалары алдында айтып өткен. Маманның сөзінше, елордалық клуб әлі инвестор таппаған – Конференциялар лигасы матчтарына бару қалай ұйымдастырылатыны белгісіз.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.