«Алаңнан қуылғандар үшін айыппұл енгіздік»: Ромащенко «Тобылдың» нәтижелері туралы ашық айтты

Қызыл қағаздар мәселесі шешілді ме?

«Мені қатты эмоцияға берілуге мәжбүр еткен жағдайлар туралы айтатын болсақ, біз үйге оралған бойда оларға бірден шара қолдана білдік. Басшылықпен және штабпен бірлесіп, айыппұлдардың жаңа жүйесін енгіздік.

Бұл қадамның «Алтайға» қарсы ойында футболшылардың тәртібіне әсер еткен-етпегенін білмеймін, бірақ бұл команда ұйымдасқан түрде, әрі тәртіпті ойнады. Ал жекелеген фолдар тек сол сәттегі концентрацияның жетіспеушілігінен болды».

Чесноковтың жаңа рөлі

«Исламның келуімен командада ойынның бірнеше нұсқасы пайда болды: біз матч барысында тактикалық жүйені және шабуылшыларға берілген міндеттерді өзгерте аламыз. Оны Миловановичтің орнын басатын ойыншы ретінде қарастырамыз ба? Бәрі де мүмкін».

Қолайсыз ауа-райының әсері

«Нөсер жаңбыр шынымен де өзгерістер енгізді, өйткені біз әрдайым допты бақылауда ұстауға тырысамыз. Екінші таймда, алаң құрғай бастағанда, қауіпті сәттер туындай бастады – үшінші ойыншыға пас беру, бір жанасумен ойнау, «қабырға» жасау және тағысын тағы. Себебі біз ойыншылардан: «Тобыл» өз стиліне адал болуы керек» деген талап етеміз».

Масудовтың айтқандары туралы

«Өткен турға дейін («Оқжетпеске» қарсы 1:2) мен төрешілердің іс-әрекетіне баға берген емеспін, өйткені олар – футболдың маңызды бөлігі және олар да қателесуі мүмкін. Төрешілерді кінәлау – дұрыс емес және бұл әлсіздердің ісі, бірақ сол кезде үндемей қалу да жөн болмас еді. Ал бүгін төрешілер бригадасы лайықты жұмыс істеді: егер ысқырса, екі жаққа да бірдей ысқырды.

Бұл – бапкердің эмоциясы. Меніңше, әрқайсымыз себепті алдымен өз дайындығымыздан іздеуіміз керек».

Исламды қалай көндірді?

«Біз Чесноковпен бейнебайланыс арқылы да, жай қоңырау арқылы де сөйлестік. Жеке әңгімеден бөлек, клуб басшылары да орасан зор жұмыс атқарды, бірақ бұл еңбек ақталды. Қорытындысында Исламның біздің сапымызға қосылғанына қуаныштымыз», – деді 52 жастағы маман.

ҚПЛ-дың 15-ші турында «Тобыл» Асхат Тағыберген, Луис Герра және Амин Талалдың голдарының арқасында «Алтайды» ойсырата ұтты. Қостанайлық клуб чемпионат кестесінде 13-ші орында қалды.

Бұған дейінгі 10 ойында Мирослав Ромащенконың шәкірттері бес рет алаңнан қуылған болатын.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.