«Атырау» 17 матчтан кейін алғашқы жеңісіне қол жеткізді

Қазақстан Премьер-лигасының 17-турындағы күтпеген нәтиже Петропавлда тіркелді. Жергілікті «Қызылжар» өз алаңында турнир кестесінің соңында келе жатқан «Атырауды» қабылдап, 0:1 есебімен жеңіліп қалды.

Матч басында алаң иелері басымдық танытып, қауіпті шабуылдар ұйымдастырды. Дегенмен, қонақтар қақпашысы Егор Хаткевич шеберлік танытып, бірнеше рет команданы голдан құтқарып қалды. Ал 18-минутта Ян Труфанов дәл соққымен есеп ашып, «Атырауға» жеңіс сыйлады.

Екінші таймда атыраулықтар бар күшін қорғанысқа жұмылдырып, басымдыққа ие қарсыласына гол соғуға мүмкіндік бермеді. Осылайша, маусымдағы алғашқы жеңісіне қол жеткізді.

17 матч бойы жеңіске жете алмай жүрген «Атырау» үшін бұл — үлкен серпіліс. Қазір команда 8 ұпаймен соңғы орында тұр. Ал «Қызылжар» 19 ұпаймен 9-сатыға жайғасты.

Матч нәтижесі:
Қызылжар — Атырау 0:1
⚽️ Гол: Труфанов, 18 мин.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.