Дастан Сәтпаев Қазақстанның ең қымбат футболшысы атанды

Жаңа бағалау нәтижесінде 17 жастағы вингердің құны 500 мың еуроға өсті. Қазір қазақстандық футболшының нарықтық бағасы 3,5 миллион еуроны құрайды.

Осылайша Дастан Қазақстандағы ең қымбат футболшы атанды. Оның ең жақын қуғыншысы - Ресейдің «Ахмат» клубында өнер көрсететін Максим Самородов. Оның құны 3 миллион еуроға бағаланған.

Айта кетейік, жақында Дастан Сәтпаев «Қайрат» сапындағы соңғы матчын өткізді. Қазақстан Премьер-лигасы аясында өткен кездесуде ол дубль авторы атанып, алматылық клубтың «Қызылжарды» 3:0 есебімен жеңуіне көмектесті.

Енді Сәтпаев Лондонға аттанып, «Челси» сапында өзін көрсетуге тырысады. Еске салайық, Дастан Сәтпаевтің «Челсиге» ауысқаны туралы 2025 жылдың ақпанында ресми түрде жарияланған болатын. Алайда келісім шарттарына сәйкес, қазақстандық футболшы Англияға тек кәмелет жасына толғаннан кейін ғана көшіп бара алды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.