Мақалалар ХК «Барыс» Серіктес«Барыс» ХК
KZ RU
Платформа қалай жұмыс істейді

Резиденттер матчтарға болжам жасайды, жүйе нәтиже шыққанда болжамды өзі есептейді. Ұпай мен пайда резиденттің бетінде жиналады.

Лентада кез келген қатысушы жаза алады, «@» арқылы резидентті белгілеуге болады.

Резиденттер рейтингі Болжамдар лентасы
Ресми серіктестік · 2026/27 маусымы «Fonteam» ақпарат агенттігі «Барыс» ХК серіктесі атанды hcbarys.kz

Жақын матчтар

Жаңа сайланған «Реал» президенті жанкүйерлерге үндеу жасады

79 жастағы функционер Флорентино Перес Мадридтің «Реал» клубы президенті сайлауындағы жеңісінен кейінгі әсерлерімен бөлісті.

Fonteam редактор
Автор ·
2 минут оқу
Жаңа сайланған «Реал» президенті жанкүйерлерге үндеу жасады
Сурет: ашық дереккөздерден

««Реал» президенті ретінде мен сіздердің барлығыңызбен мақтанамын. Бұл керемет сайлау күні болды, клуб мүшелері тарихтағы ең ұлы клубтың тағдырын шешу үшін өз пікірлерін ашық айтты. Бұл – біз бәріміз армандайтын «Реал». Тәуелсіз Мадридтік «Реал». Клуб ешқандай қиындық пен кедергіден қорықпайды. Біз әрі қарай да «Сантьяго Бернабеу» стадионымызбен – әлемдегі ең үздік стадионмен мақтанамыз. Сондай-ақ әлемдегі ең мықты ойыншылар бізде екендігімен мақтанамыз», – деп келтіреді Перестің сөзін клубтың ресми сайты.

Перестің айтуынша, оның басшылығында «Реал» әрқашан өз «сосьосына» – клубқа тіркелген, жарна төлеп, белгілі құқықтар мен артықшылықтарға ие мүшелеріне – тиесілі болған, тиесілі және бола береді.

Айта кетейік, Перес испан кәсіпкері Энрике Рикельмеден басым түсіп, клубты 2030 жылға дейін басқарады. Бұл қызметке ол қатарынан сегізінші рет келіп отыр.

Перес 79 жаста, ол «Реал» президенті қызметін 2009 жылдан бері атқарып келеді, бұған дейін 2000-2006 жылдары да осы лауазымда болған. Перестің басшылығында футболдан «Реал» Испания чемпионы атағын 7 рет, ел кубогын 3 мәрте, Чемпиондар лигасын 7 рет жеңіп алды. Сондай-ақ команда 7 Испания Суперкубогын және 5 рет клубтық әлем чемпионатын ұтты. Биылғы маусымда «Реал» Испания чемпионатында екінші орынды иеленіп, Чемпиондар лигасының ширек финалында жарыстан шығып қалды.

Пікірлер (0)

Клубтардың ресми серіктесі

Қазақстан Республикасының Мәдениет және ақпарат министрлігі 03.03.2025 ж. № KZ93VPY00113785 тіркеу куәлігін берді.

© 2026 «Fonteam» ақпарат агенттігі. Барлық құқықтары қорғалған. Кез келген материалды көшіріп жариялау кезде Fonteam.kz сайтына тікелей сілтеме жасалуы тиіс.