ҚФФ Байсуфиновтың ұлттық құрамадағы мәртебесіне қатысты мәлімдеме жасады

Қазақстандық БАҚ-та ұлттық құраманың алдағы ойындарындағы нәтижесіне қарамастан ҚФФ маманның отставкасы туралы шешім қабылдайтыны жөнінде ақпарат тарады.

Кейбір дереккөздерге сәйкес, тәжірибелі қазақстандық маманды грек Анге Постекоглу алмастыруы мүмкін екені айтылған еді.

«Қазақстан футбол федерациясы бірқатар бұқаралық ақпарат құралдарында жарияланған ақпараттарға жауап ретінде ұлттық құраманың бас бапкері Талғат Байсуфиновтың мүмкін отставкасы туралы хабарламалар шындыққа жанаспайтынын мәлімдейді. ҚФФ Талғат Маруанович Байсуфиновты толықтай қолдайды. Маманның кәсіби қызметін, Қазақстан ұлттық құрамасының дамуына қосқан үлесін, сондай-ақ алдағы ойындар мен турнирлерге команда дайындаудағы еңбегін жоғары бағалайды. Біз бұқаралық ақпарат құралдары, блогерлер мен әлеуметтік желі қолданушыларын тек ресми дереккөздерге сүйенуге және қоғамды шатастыратын расталмаған ақпарат таратпауға шақырамыз», - делінген мәлімдемеде.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.