«Қайраттың» Чемпиондар Лигасы алдындағы трансферлік жоспары белгілі болды

Инсайдер Елдар Аманбаевтың мәліметінше, Қазақстанның чемпионы бұл жазда құрамды түбегейлі өзгертуге ниетті емес.

Хабарланғандай, Чемпиондар Лигасының іріктеу кезеңі басталғанға дейін алматылық клуб тек бір ғана жаңа ойыншымен келісімшарт жасамақ. Күтіліп отырған бұл легионер команданы тастап кеткен бразилиялық шабуылшы Рикардиньоны алмастыруы тиіс.

Дегенмен, жаңа ойыншының есімі мен қай клубтан келетіндігі әлі жарияланбады.

16 маусымда «Қайрат» ЛЧ-дегі алғашқы қарсыласын біледі

16 маусымда «Қайрат» 2026/2027 маусымындағы алғашқы еурокубоктық қарсыласын анықтайды — дәл осы күні УЕФА Чемпиондар Лигасының бірінші іріктеу кезеңінің жеребесі өтеді.

Чемпиондар Лигасының бірінші іріктеу кезеңі ойындары 7-8 және 14-15 шілдеде өтеді. Егер «Қайрат» осы кезеңде қарсыласынан басым түссе, еурокубоктың негізгі кезеңіне шығу үшін күресті жалғастырады, ал егер жеңілсе — Конференциялар Лигасының екінші іріктеу кезеңінде бақ сынайды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.