Руни Барджи бүгін "Барселонамен" келісімшартқа қол қояды

"Копенгаген" клубының вингері Руни Барджи бүгін Испанияға келіп, "Барселонамен" ресми келісімшартқа қол қояды. Инсайдер Фабрицио Романоның мәліметінше, трансфер сомасы 2 миллион еуродан асады, ал келісім бірнеше апта бұрын бекітілген. Футболшы медициналық тексеруден де өткен.

Айта кетейік, Барджи бала кезінен "Барселонаның" жанкүйері болған және "Тоттенхэмнің" ұсынысынан бас тартып, каталондық клубты таңдаған.

Швециялық жас талант "Копенгаген" сапында 84 ойын өткізіп, 15 гол соғып, 1 нәтижелі пас берген.