Криштиану Роналду Сауд Арабиясында 100 голын соқты

«Әл-Наср» шабуылшысы Криштиану Роналду Сауд Арабиясы чемпионатының 33-турында «Әл-Шабабқа» қарсы ойында (4:2) гол соқты. Ол 75-минутта Садио Маненің пасынан кейін көзге түсіп, осы матчтағы голдардың бірінің авторы атанды.

Бұл гол 41 жастағы португалиялық үшін Сауд Арабиясы чемпионатындағы 100-ші гол болды. Ол бұл көрсеткішке жету үшін 105 ойын өткізді.

Про-лиганың ағымдағы маусымында ойыншы 28 кездесуде 26 гол соғып, 3 нәтижелі пас берді.

Сондай-ақ, бұл Роналдуның бүкіл мансабындағы 971-ші голы: ол клубтық деңгейде 1088 матчта 828 гол салса, Португалия құрамасы сапында 226 матчта 143 рет мергендігімен танылды.

Мансабындағы 1000-шы голға дейін оған енді 29 доп қана қалды.