Криштиану Роналдудың ұлы әкесімен ойнамауы мүмкін

The Sun басылымының хабарлауынша, 15 жастағы футболшы әкесінің ойнайтын Сауд Арабиясының «Әл-Наср» клубының жастар командасында ғана шектеліп қалғысы келмейді. Ол келесі маусымда-ақ Роналду-старшиймен бірге негізгі командада ойнау мүмкіндігіне қарамастан, Еуропаға қайта оралу нұсқасын қарастырып отыр.

Айта кетейік, жас шабуылшы әлемнің ең мықты футбол академияларында өз деңгейін тексергісі келеді. Оған мадридтік «Реал», «Бавария», «ПСЖ», дортмундтық «Боруссия» және лиссабондық «Спортинг» клубтары қызығушылық танытып отыр.

Бұған дейін Роналду-младший әкесі «Ювентус» пен «Манчестер Юнайтедте» ойнаған кезде осы клубтардың академияларында өнер көрсеткен. Сонымен қатар, ол Криштиану Роналду Испанияда емделу барысында мадридтік «Реалдың» U-16 командасымен жаттығу өткізген.

Хабарларға қарағанда, футболшының өзі Испанияға немесе Англияға оралуды қалайды, алайда отбасы бұқаралық ақпарат құралдарының шамадан тыс назарынан және атақты әкесімен тұрақты салыстырулардан қауіптеніп отыр.

Халықаралық деңгейде Роналду-младший Португалияның U-15 және U-17 жасөспірімдер құрамаларында өнер көрсеткен. Қараша айында ол Португалия U-17 құрамасы сапында жастар арасындағы әлем чемпионатында жеңімпаз атанған.