"Барселона" қатарынан оныншы жеңісіне қол жеткізді

Барселона Испания чемпионатының 34-туры аясында Осасуна командасын 2:1 есебімен жеңіп, Ла Лига аясында қатарынан 10-шы жеңісіне қол жеткізді. Кездесу Памплона қаласындағы Эль-Садар стадионында өтті. Ойынның бас төрешісі — Исидро Диас де Мера Эскудерос.

Каталониялық клуб соңғы рет 16 ақпанда 24-турда Жирона командасынан 1:2 есебімен жеңілген еді. Содан бері «Барселона» Леванте, Вильярреал, Атлетик Бильбао, Севилья, Райо Вальекано, Атлетико Мадрид, Эспаньол, Сельта, Хетафе және «Осасунаны» жеңді.

«Көк-қызылдар» 88 ұпай жинап, турнирлік кестеде бірінші орында тұр. Олар мадридтік Реал Мадрид клубынан 14 ұпайға озып келеді. Келесі матчта «Барселона» 10 мамыр күні «Реалмен» кездеседі.