Важа Тархнишвили "Ақтөбе" клубының спорттық директоры болмақ

«Ақтөбе» клубының спорт директоры қызметіне грузиялық маман Важа Тархнишвили тағайындалды, деп хабарлайды клубтың баспасөз қызметі.

«Танымал грузиялық маман Важа Тархнишвили „Ақтөбе“ футбол клубының спорт директоры қызметіне тағайындалды.

Футболшы кезінде қорғаушы позициясында ойнаған Тархнишвили Тираспольдің аңызға айналған „Шериф“ клубында капитан ретінде Молдова чемпионы атағын 11 рет жеңіп алған. Сонымен қатар ол бұл елдің Кубогын жеті рет, Суперкубогын төрт рет иеленген. Екі мәрте ТМД чемпиондары кубогының жеңімпазы атанған. Бес рет Молдова чемпионатының „Үздік қорғаушысы“ деп танылған.

Молдова клубының нағыз аңызына айналған Тархнишвили кейін „Еңбек даңқы үшін“ мемлекеттік орденімен марапатталған. 2012 жылдан 2024 жылдың күзіне дейін ол „Шериф“ клубында спорт директоры және бас директор қызметтерін атқарды. Оның басшылығымен Тирасполь ұжымы өзінің ең жоғары деңгейіне жетіп, Чемпиондар лигасының топтық кезеңіне шықты. Дәл Тархнишвили кезінде „Шериф“ сенсация жасап, сырт алаңда мадридтік „Реалды“ жеңген болатын», — делінген клубтың Instagram парақшасында.

Айта кетейік, бүгін «Ақтөбе» клубының спорт директоры қызметінен Қазақстан ұлттық құрамасының бұрынғы футболшысы Марат Хайруллин ресми түрде кетті. Ол бұл қызметте өткен жылдың тамыз айынан бері жұмыс істеген еді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.