"Атлетико" мен "Арсенал" ойынында екі гол соғылды

2025/2026 жылғы Чемпиондар лигасы жартылай финалының алғашқы матчы аяқталды. Онда мадридтік «Атлетико» мен лондондық «Арсенал» кездесті. Ойын Мадридтегі «Рияд Эйр Метрополитано» стадионында өтті. Бас төреші қызметін Данни Маккели атқарды. Кездесу 1:1 есебімен тең аяқталды.

Матчтағы есепті 44-минутта лондондық команданың шабуылшысы Виктор Дьёкереш пенальтиден ашты. Екінші таймда, 56-минутта алаң иелерінің форварды Хулиан Альварес 11 метрлік соққыны дәл орындап, есепті теңестірді.

Командалар арасындағы қарымта матч 5 мамыр күні Лондондағы «Эмирейтс» стадионында өтеді.

Ширек финалда «матрасниктер» екі матчтың қорытындысы бойынша «Барселонаны» 3:2 есебімен жеңді. Ал «канонирлер» осы кезеңде екі ойынның нәтижесінде «Спортингті» 1:0 есебімен ұтты.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.