"Астана" Қазақстан кубогындағы сапарын тоқтатты

«Астана» мен Қостанайдың «Тобылы» футболдан Қазақстан Кубогының 1/8 финалында кездесті.

Ойын «Астана Арена» стадионында өтті. Кездесуге Орал қаласынан келген Денис Тевяшов бастаған төрешілер бригадасы қызмет етті.

Командалардың бастапқы құрамдары төмендегідей болды:

«Астана»: Сейсен, Шомко, Нұрмұхамбет, Токен, Токенов, Караман, Серіков, Ануаров, Абдурасулов, Жақсылық, Аханону;

«Тобол»: Устименко, Бакитжанов, Марочкин, Қалмырза, Глущенков, Мякиш, Марат, Усенов, Зуев, Мохамед Амин Талал, Хебай.

Ойынның 7-минутында есепті Мохамед Амин Талал ашты. Бірінші таймға қосылған уақытта Данияр Усенов (45+2) қызыл қағаз алып, алаңнан қуылды. Екінші таймда астаналықтар бірнеше қауіпті сәттер жасағанымен, тек 80-минутта Санжар Ануаров таразы басын теңестірді. Кездесудің тағдырын Карло Бартолецтің қолмен ойнағанынан кейін белгіленген пенальти шешті — оны 87-минутта Жаслан Жұмашев сәтті орындап, есепті 1:2-ге жеткізді.

Осылайша, келесі кезеңге «Тобол» өтті. Олар Қызылорданың «Қайсары» мен Алматының «Қайраты» арасындағы жұптың жеңімпазымен кездеседі.

Бұған дейін турнирдің ширек финалына елордалық «Жеңіс», петропавлдық «Қызылжар» және талдықорғандық «Жетісу» командалары шыққан болатын.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.