Дастан Сәтпаев Чемпиондар лигасында ойнауы жайлы мәлімдеме жасады

Қазақстан құрамасы мен «Қайрат» клубының шабуылшысы Дастан Сәтпаев 2026/2027 жылғы Чемпиондар лигасының үшінші іріктеу кезеңіне дейін алматылық клуб сапында ойнай алатынын айтты.

— Чемпиондар лигасы саған қалай әсер етті?

— Бұл бәрібір біздің алғашқы тәжірибеміз. Әрине, көбірек ұпай жинаймыз деп күттік. Осы маусымда еуропалық командаларға лайықты қарсылық көрсете аламыз деп ойлаймыз.

— Іріктеу кезеңінде ме?

— Иә. Қайтадан жолдама алуға тырысамыз.

— Бірақ сен олармен бірге ойнамайсың ғой?

— Үшінші кезеңге дейін осындамын.

— Демек, жігіттерге тағы да Чемпиондар лигасына шығуға көмектесесің бе?

— Иншаллах, иә.

2025 жылдың басында «Челси» Сәтпаевтың трансферлік құқығын ресми түрде сатып алған болатын. Алайда 18 жасқа толғанға дейін футболшы «Қайратта» жалға ойнайды. Келісімшартқа сәйкес, биыл 12 тамызда 18 жасқа толған соң, ойыншы лондондық клубтың қарамағына қосылады.

Чемпиондар лигасының іріктеу және жалпы кезеңдерінде Сәтпаев «Қайрат» сапында 12 матч өткізіп, 4 гол соғып, 1 нәтижелі пас берді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.