"Реал" қақпашысы "Интерге" ауысуы мүмкін

Миландық Интер мадридтік Реал Мадрид қақпашысы Андрей Лунинге қызығушылық танытуда.

Sports Illustrated мәліметінше, италиялық клуб тәжірибелі Янн Зоммерге балама іздеуде және украиналық голкиперді негізгі үміткерлердің бірі ретінде қарастырып отыр. «Интер» 27 жастағы футболшыны жазғы трансферлік терезеде өз қатарына қосуға әрекет жасамақ.

Лунин ұзақ уақыт бойы Тибо Куртуанің көлеңкесінде қалып келеді, алайда ол әзірге 2030 жылға дейін келісімшарты бар мадридтік клубтан кетуге асығар емес. Дегенмен «Интерде» негізгі қақпашы атану мүмкіндігі украиналықты қызықтыруы мүмкін, ал дереккөзге сәйкес, «Реал» трансфер бойынша келіссөздер жүргізу нұсқасын жоққа шығармайды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.