ҚПЛ клубының инвесторлары ҚФФ-ға хат жазды

Журналист әрі инсайдер Эльдар Аманбаев Қазақстандағы футбол клубтарының инвесторлары төрешілік деңгейіне көңілі толмайтыны туралы ақпаратпен бөлісті, деп хабарлайды AmanVIBE.

«Футбол клубтарының инвесторлары чемпионаттағы төрешілік деңгейіне наразылық білдіруде. Менің мәліметім бойынша, бизнес өкілдері төрешілік сапасын арттыруға бағытталған ұсыныстармен Қазақстан футбол федерациясының президентінің атына жазбаша өтініш дайындап жатыр. Құжатта төрешілер корпусының жұмысын жақсартуға арналған нақты шаралар ұсынылуы мүмкін», — деп жазады дереккөз.

Еске салайық, өткен жылдың 8 қыркүйегінде Қазақстан Президенті Қасым-Жомарт Тоқаев халыққа Жолдауында елдегі футбол клубтарын жекешелендірудің ауқымды бағдарламасы басталатынын жариялап, спорттың бюджет қаржысына тәуелділігін азайту қажеттігін атап өткен болатын.