Магомед Әдиев "Ақтөбемен" келіссөздер жүргізгенін растады

Бұған дейін Адиев «Крыльяны» жаттықтырып жүрген кезде қазақстандық «Ақтөбемен» келіссөз жүргізгені хабарланған еді.

«Әрине, мен үшін де бұл белгілі бір деңгейде күтпеген жағдай болды — “Крыльядан” кетуім мүмкін деп ойламадым. Мен әрдайым, соңғы күндері де Самарада жұмыс істеп тұрған кезде, маусымды соңына дейін жеткізгім келетінін айтып жүрдім. Бұл мен үшін бапкер ретінде өте маңызды еді, өйткені мен Премьер-лигада толық бір жыл жұмыс істеп көрмеппін. Менде “Адиев қандай бапкер?” деген нақты түсінік қалыптастыру үшін толыққанды маусым өткізу деген мақсат болды. Себебі «Ахматта» да, «Химкиде» де аз уақыт істедім. «Анжиде» бір жыл болдым, бірақ ол жерде маусымның екінші бөлігінде қосалқы құраммен ойнадық.

Шынымен де, демалыс күндерімде Қазақстанға барып қайттым, оны жасырмаймын — белгілі бір келіссөздер болды. Сонымен қатар достарыммен де кездестім. Бірақ қайтып келгеннен кейін сіздердің әріптестеріңіз бұл сапарымды қатты ушықтырып жіберді. Барлық жерде “жауапкершіліктен қашты, қиын сәтте команданы тастап кетті” деген материалдар шықты. Әрине, бұл басшылыққа ұнамады деп ойлаймын. Ал мен қайтып келісімен бірден жұмысқа кірістім, команданы алдағы ойындарға дайындадым, оның үстіне біз Ресей кубогының аймақтар жолының жартылай финалына шықтық. Мен финалға шығу идеясымен қатты жігерлендім, бұл біздің қолымыздан келеді деп сендім және оны басшылыққа да айттым.

Алайда соңғы сәтте губернатормен кездесуде ол мені жұмыстан босату туралы шешімді іштей қабылдап қойған сияқты болды. Әңгіме барысында ол: “Қоштасамыз ба?” деді. Мен: “Жоқ, жалғастырғым келеді, дайынмын, мотивациям бар” дедім. Бірақ ол келесі күні өз шешімін жариялайтынын айтты. Нәтижесінде, оның шешімі бойынша мен Самарадан кетуге мәжбүр болдым», — деді Адиев Коммент.Шоу арнасына берген сұхбатында.