Қазақстандық бапкер қытайлық клубта қызметке тағайындалды

Үрімжі қаласының командасы кәсіпқой футболға жолдама беретін елдің деңгейі бойынша төртінші дивизионы – Қытай Чемпиондар лигасында (CMCL) өнер көрсетеді.

3 мамырда «Синьцзян Цзиньдунь» Иньчуань қаласында L тобында іріктеу кезеңін бастайды. Басты мақсат – ұлттық финалға шығып, үшінші лигаға жолдама алу. Клуб намысын қазақтар, ханзулар (қытайлықтар), ұйғырлар, және де басқа ұлт өкілдері қорғайды.

Бұл ретте Отарбаев жаңа жұмысын өзі наурыз айында келісімшартын ұзартқан Шыңжаң-Ұйғыр автономиялық ауданының жасөспірімдер құрамасындағы (U-18) қызметімен қатар алып жүреді.

Футболшы болған жылдары Самат «Ордабасы», «Қыран», «Ақтөбе» және «Тараз» клубтарында ойнаған, сондай-ақ Қазақстан ұлттық құрамасына шақырту алған.