Траффорд "Манчестер Ситиден" кеткісі келеді

«Манчестер Сити» алдағы маусым алдында өз қақпашысынан айырылуы мүмкін.

Джеймс Траффорд жазда тұрақты ойын тәжірибесін алу үшін клубтан кетуге дайын. Бұл туралы Sky Sports хабарлайды. Дегенмен, «қалалықтар» оны өз қатарында сақтап қалғысы келеді.

Егер Барт Вербрюгген клубтан кетсе, «Брайтон» Траффордты басты трансферлік мақсаттарының бірі ретінде қарастырып отыр. Сонымен қатар, үміткерлер қатарында Робин Риссер («Ланс») және Ноа Атуболу («Фрайбург») бар.

Сондай-ақ Траффорд бірнеше ағылшын клубтарының шорт-листіне енген.

Айта кетейік, биылғы маусымда Траффорд «Манчестер Сити» сапында барлық турнирде 14 матч өткізіп, 10 гол жіберіп алды.