"Қайрат" өзгертілген күнтізбесін жария етті

Алматылық «Қайрат» еурокубоктарға дайындық және оған қатысуына байланысты ҚПЛ матчтарының кестесіндегі өзгерістер туралы хабарлады.

«„Қайрат“ ФК еурокубоктарға қатысуға дайындық аясында команданың алдағы матчтар кестесіндегі өзгерістер туралы хабарлайды.

**26 сәуірде** «Қайрат» Премьер-лиганың 7-туры аясында Алматыдағы Орталық стадионда «Елімайды» қабылдайды. Осыдан кейін команданы бірқатар сырт алаңдағы матчтар күтіп тұр.

**29 сәуірде** «сары-қаралар» Қызылордада Қазақстан Кубогының 1/8 финалында «Қайсармен» ойнайды. Кездесу жеңімпазы турнирдің ширек финалына жолдама алады.

**2 мамырда** «Қайрат» Премьер-лиганың 8-турындағы «Ертіске» қарсы матчын Павлодардағы Орталық стадионның жөндеуіне байланысты «Астана Аренада» өткізеді.

**6 мамырда**, күнтізбедегі резервтік күнде, команда Премьер-лиганың ауыстырылған 20-туры аясында Қызылордада тағы да «Қайсармен» ойнайды.

**10 мамырда** «Қайрат» Жезқазғанда Премьер-лиганың ауыстырылған 22-туры аясында сырт алаңда «Ұлытаумен» кездеседі», — деп хабарланды клубтың Instagram парақшасында.

Елдің қазіргі чемпионы — 2026/2027 жылғы Чемпиондар лигасының іріктеу кезеңіне қатысатын Қазақстанның жалғыз өкілі. Басты еурокубоктың осы маусымындағы ортақ кезеңінде «Қайрат» сегіз матчта бір ұпай жинап, топта соңғы 36-орынға тұрақтаған б

олатын.