"Атырау" клубына инвестор табылды

«Бұған дейін ықтимал инвестор ретінде аталған ақтөбелік кәсіпкер Әлімбек Мұқанов жаңа жобаға қатыспайды. Біздің дереккөздеріміздің ақпаратына сәйкес, клубтың жаңа инвесторы ретінде өңірде де, одан тыс жерлерде де жақсы танымал бизнесмен Болат Қонарбай болады.

Оның бизнесінің негізгі бағыттары — мұнай өндіру, теміржол тасымалы және логистика.

Күтілгендей, жаңа иесі команданы қаржыландыру міндетін өз мойнына алып қана қоймай, маңызды инфрақұрылымдық жобаны — футбол академиясының құрылысын жүзеге асыруды да қолға алады.

Осылайша, клубты жекеменшікке беру туралы Президенттің тапсырмасы толық көлемде орындалуы әбден мүмкін», — деп хабарлайды телеграм-арна.

Бес турдан кейін «Атырау» жеті ұпай жинап, Қазақстан Премьер-лигасының турнирлік кестесінде сегізінші орында тұр. Команда маусымды төрт тең ойын және бір жеңіспен бастады.