ҚПЛ клубы Боатенгтен бас тартты

Алайда «мұнайшылардың» басшылығы ағылшындық «Манчестер Сити» академиясының түлегін қатарға қосу туралы ұсыныстан бас тартты. Бұл шешімнің басты себебі – тірек жартылай қорғаушысы сұраған жалақы мөлшері қазақстандық клубтың көңілінен шықпаған.

Боатенгтің орнына «Атырау» оның отандасы – еркін агент құқығында ауысқан ганалық Эбенезер Офоримен келісімшартқа отырды. Офоридің ойыны команданың сол кездегі бас бапкері Владимир Чебуринге жақсы таныс. 2025 жылы футболшы литвалық «Жальгирис» сапында қазақстандық маманның жетекшілігімен 25 матч өткізіп үлгерген еді.

Ал Нана Боатенгке келетін болсақ, ҚПЛ-ға ауысуы жүзеге аспағаннан кейін ойыншы еркін агент ретінде Кипр чемпионатында өнер көрсететін «Красава» клубымен келісімшартқа отырды. Бүгінгі таңда 32 жастағы футболшының трансферлік құны 450 мың еуроға бағаланып отыр.

«Манчестер Сити» жүйесінің түлегі норвегиялық «Стремсгодсет», америкалық «Колорадо Рэпидз», финляндиялық КуПС, румыниялық ЧФР Клуж бен «Петролул», сондай-ақ оңтүстіккореялық «Чонбук Хендэ Моторс» сапында өнер көрсетті.

Ганалық футболшы Норвегия (2013), Румыния (2021/22) және Оңтүстік Корея (2024/25) чемпионы атанған. Сондай-ақ оның қоржынында Финляндия Кубогы (2021) мен Оңтүстік Корея Кубогындағы (2024/25) жеңістері бар. Сонымен қатар, жартылай қорғаушы орасан халықаралық тәжірибеге ие – ол УЕФА Конференция лигасына, Азия Чемпиондар лигасына және КОНКАКАФ Чемпиондар лигасына қатысқан.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.