УЕФА "Барселонаның" шағымына көңіл бөлмеді

Еске салайық, бұл кездесу 0:2 есебімен аяқталған еді.

Оқиға матчтың 54-минутында болды: мадридтік команданың қорғаушысы Марк Пубиль қақпашы Хуан Муссоның пасынан кейін өз айып алаңында допқа қолымен тиіп кеткен. Алайда бас төреші Иштван Ковач бұл сәтте пенальти белгілемеді, бұл каталондық клубтың наразылығын тудырды. Матч аяқталғаннан кейін «Барселона» УЕФА-ға ресми шағым түсірді.

«2026 жылдың 8 сәуірі, сәрсенбі күні өткен Чемпиондар лигасының ширек финалындағы “Барселона” мен “Атлетико” арасындағы алғашқы матчтан кейін “Барселона” төрешінің шешіміне қатысты шағым жолдады.

2026 жылдың 13 сәуірінде УЕФА-ның Бақылау, этика және тәртіптік органы бұл шағымды қарауға жарамсыз деп таныды», – делінген ұйымның ресми сайтындағы мәлімдемеде.

Чемпиондар лигасының ширек финалындағы қарымта кездесу бүгін, 14 сәуір күні, Мадридтегі «Сивитас Метрополитано» стадионында өтеді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.