Қазақстан – Молдова матчында сенсация тіркелді

Молдова екі голмен алға шықты

С лигасының үшінші тобындағы кездесу "Астана Арена" стадионында өтті. Қонақтар алғашқы минуттардан Александр Заруцкийдің қақпасына қауіп төндірді. Бірінші таймның ортасына қарай Қазақстан ойын барысын теңестіріп, екі команда да шабуылда мүмкіндік іздеді.

Бірақ үзіліске аз уақыт қалғанда қорғаныстағы қателікті пайдаланған Ники Клещенко айып алаңынан төмен бағытталған соққымен есеп ашты. Екінші таймның басында Қазақстан алға ұмтылғанымен, тағы гол жіберіп алды. Бұрыштамадан берілген допты Петру Попеску баспен қақпаға бағыттап, есепті 0:2-ге жеткізді.

Әліп есеп айырмасын қысқартты

Екі голдан кейін Қазақстан шабуылды күшейтті. Нұралы Әліп айып добынан жеткізілген пасты баспен дәл аяқтап, есеп айырмасын қысқартты.

Дегенмен алаң иелері таразы басын теңестіре алмады. Осы жеңісімен Молдова құрамасы 17 матчқа созылған жеңіссіз сериясын тоқтатты.

Қазақстан құрамасы Ұлттар лигасындағы келесі кездесуінде 6 қазанда Фарер аралдарын қабылдайды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.