"Қайраттың" экс-ойыншысы ҚПЛ-ге оралуы мүмкін

«Соңғы айларда мен отанымда ойнап жүрмін, бұл маған Бельгиядағы кезеңнен кейін отбасыма жақын болуға мүмкіндік береді. „Дефенс Форс“ клубымен КОНКАКАФ Чемпиондар кубогында өнер көрсетіп, қатарынан екінші рет лиганы жеңіп алдық. Сонымен қатар Қазақстан Премьер-лигасын да бақылап жүрмін.

Атауларын айтпай-ақ қояйын, бірақ бірнеше жергілікті клуб маған қызығушылық танытты. Қазақстанда маған ұнады, сондықтан қайта оралу идеясы — тіпті бәсекеге қабілеті төмендеу командаға көмектесу үшін болса да — тартымды көрінеді», — деді Бато.

Еске салайық, 35 жастағы орталық қорғаушы Шелдон Бато 2017 жылы «Крылья Советов» клубынан «Қайратқа» ауысқан болатын. Алматы клубы сапында 48 матч өткізіп, ел кубогының жеңімпазы атанды.

Сондай-ақ Батоның Бельгияның «Мехелен» және «Васланд-Беверен» клубтарында 207 ойыны бар. Ол «Брюгге» және «Кортрейк» сияқты командалардың қақпасына гол соққан.

Қазіргі таңда қорғаушы өз елінде «Дефенс Форс» клубында өнер көрсетеді. Батоның трансферлік құны 75 мың еуроға бағаланған.