Месси Аргентина құрамасындағы соңғы матчын өткізеді

Аргентина құрамасының аңызы Лионель Месси ұлттық команда сапындағы қоштасу кездесуін өткізеді. 39 жастағы шабуылшы 6 қазанда Бенин құрамасына қарсы алаңға шығады. Бұл туралы Аргентина футбол қауымдастығының (AFA) президенті Клаудио Тапиа мәлімдеді. Оның айтуынша, Месси арнайы шақыртуды қабылдаған.

Қоштасу матчы "Монументальда" өтеді

Аргентина – Бенин кездесуі Буэнос-Айрестегі әйгілі "Монументаль" стадионында ұйымдастырылады.

Қоштасу кешіне 2022 жылғы әлем чемпионатын жеңіп алған Аргентина құрамасының футболшылары мен олардың отбасы мүшелері де шақырылады.

Бенинмен ойын Аргентина құрамасының 2026 жылғы әлем чемпионатынан кейінгі үшінші жолдастық кездесуі болады.

30 қыркүйекте Лионель Скалони командасы Кордовадағы "Марио Альберто Кемпес" стадионында Боливиямен ойнайды. Ал 3 қазанда Буэнос-Айресте Буркина-Фасомен кездеседі.

6 қазандағы Бенинге қарсы матч Мессидің ұлттық құрамадағы ресми қоштасуына айналады.

Месси мансабын аяқтайтынын тамызда жариялады

31 тамызда аргентиналық футболшы әлеуметтік желіде қолмен жазылған хат жариялап, ұлттық құрамадағы мансабын аяқтайтынын растады. Ол 2026 жылғы әлем чемпионатының финалындағы Испанияға қарсы кездесуді Аргентина құрамасындағы соңғы ресми ойыны деп атады.

Айта кетейік, Месси ұлттық команда сапында 2005 жылдан бері доп тепті. Содан бері бірқатар титул иегері атанды. 

• 2022 жылғы әлем чемпионатын;
• 2021 және 2024 жылдардағы Америка кубогын;
• 2022 жылғы "Финалиссима" турнирін;
• 2008 жылғы Олимпиада ойындарын жеңіп алды.

Ол ұлттық құрама үшін 207 матч өткізіп, 125 гол соққан.

2026 жылғы әлем чемпионатында сегіз гол соқты

2026 жылғы әлем чемпионаты Мессидің мансабындағы алтыншы мундиаль болды. Аргентина финалда Испаниядан жеңілгенімен, Месси турнирдегі сегіз кездесудің барлығына қатысып, 8 гол соқты. Сұрмергендер тізімінде ол 10 гол соққан француз Килиан Мбаппеден ғана кейін қалды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.