«Қайсар» жаңа бас бапкерді Болгариядан тапты

«Театр абсурда» арнасының мәліметінше, 57 жастағы маман алдағы күндері Қазақстанға келіп, клубпен келісімшарт жасасуы тиіс. Осыдан кейін оны бұқаралық ақпарат құралдарына ресми түрде таныстыру жоспарланған. «Қайсар» бұл ақпаратты әзірге растаған жоқ.

Бапкер қандай клубтарды баптады?

Белчев бапкерлік мансабында Болгарияның «Любимец», «Хасково», «Литекс», Софияның ЦСКА және Кырджалидің «Арда» клубтарында жұмыс істеген. 2025 жылдың маусымынан қазанына дейін «Септември» командасын басқарды.

Қызылордалық клуб Андрей Ферапонтов кеткеннен кейін жаңа бас бапкер іздеуге кіріскен еді. Қазір команданы оның бұрынғы көмекшісі Дмитрий Карпов уақытша жаттықтырып жүр.

Бұған дейін «Қайсар» басшылығы Талғат Байсуфинов, Владимир Чебурин және Магомед Адиевпен келіссөз жүргізгені хабарланған. Алайда тараптар әртүрлі себепке байланысты ортақ келісімге келе алмаған.

Қазақстан Премьер-лигасының 24 турынан кейін «Қайсар» 20 ұпай жинап, турнир кестесінің соңғы сатысында тұр. Сондықтан жаңа бапкердің алдында команданы төменгі орыннан шығару міндеті тұрады.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.