"Реал" Испания футбол федерациясымен келісімді үзді

Сурет: ашық дереккөздерден

Мадридтік «Реал» Испания корольдік футбол федерациясының (RFEF) төрешілік жүйесін реформалау жобасына қатысудан бас тартты. «Корольдік клубтың» бас директоры Хосе Анхель Санчес ұйымға бұдан былай тиісті кездесулерге қатыспайтынын хабарлаған.

Бұл туралы AS басылымы жазды.

Дереккөздің мәліметінше, мадридтік клуб Ла Лиганы төрешілік тұрғысынан әділетсіз турнир деп санайды. «Реал» бұл ұстанымын 31-турдағы «Жиронамен» (1:1) өткен матчтан кейін күшейтті. Сол ойында Килиан Мбаппе қарсы жасалған ереже бұзушылық үшін команда пайдасына пенальти белгіленбеген. Клуб бұл қателіктің неге түзетілмегенін түсінбей отыр.

Қазіргі таңда испаниялық алпауыт пен RFEF арасындағы қарым-қатынас «толық алшақтау» деңгейінде. «Реал» федерациямен қатынасты қалпына келтіруге ниетті емес.