Криштиану Роналду Өзбекстанға баруы мүмкін

Куала-Лумпур қаласында өткен АФК Элиталық чемпиондар лигасының жеребе тарту рәсімінен кейін өзбекстандық жанкүйерлер үшін қуанышты жағдай белгілі болды. Нәтижесінде өзбектің «Пахтакор» командасы өз алаңында сауд аравиялық «Аль-Насрды» қабылдайтын болды.

 Осылайша, «Алтын доптың» бес дүркін иегері өзінің мансабында алғаш рет Өзбекстан астанасында ресми клубтық матч өткізуі ықтимал.

Азияның басты клубтық турнирі аясында «Пахтакор» өз алаңында «Аль-Насрдан» бөлек, Иранның «Эстегляль» және «Трактор», сондай-ақ Сауд Арабиясының «Аль-Кадисия» командаларын қабылдайды. Ал сырт алаңдағы ойындарда ташкенттіктер «Аль-Ахли», «Эйр Форс», «Аль-Хиляль» және «Аль-Иттихадпен» кездеседі.

Өзбекстанның тағы бір клубы «Нефтчи» өз алаңында «Аль-Ахли», «Эйр Форс», «Аль-Хиляль» және «Аль-Иттихадпен» ойнаса, сырт алаңда «Эстегляль», «Аль-Наср» (Роналдудың командасы), «Трактор» және «Аль-Кадисиямен» күш сынасады.

Матчтардың нақты күндері мен басталу уақыты кейінірек жарияланады.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.