Месси қатарынан үшінші пенальтиін соға алмады: «Интер Майами» «Нэшвиллден» ойсырай жеңілді

Алаң иелері 17-минутта есеп ашты. Энди Нахар «Нэшвиллді» алға шығарды. Көп ұзамай «Интер Майами» таразы басын теңестіруге тамаша мүмкіндік алды. 23-минутта Лионель Месси пенальти орындағанымен, мүмкіндігін пайдалана алмады. Бұл аргентиналықтың қатарынан соға алмаған үшінші пенальтиі болды.

Соған қарамастан, Месси үзіліске дейін нәтижелі әрекетімен көзге түсті. Қосымша уақытта ол Теласко Сеговияға пас беріп, командаласы есепті теңестірді - 1:1.

Екінші таймда «Нэшвилл» ойынды толық өз бақылауына алды. 49-минутта Хани Мухтар алаң иелерін қайтадан алға шығарса, арада жеті минут өткенде Сэм Сарридж есеп айырмасын ұлғайтты.

63-минутта Мухтар тағы бір гол соғып, дубль авторы атанды және матчтың қорытынды есебін белгіледі - 4:1.

MLS-2026. Тұрақты чемпионат

«Нэшвилл» - «Интер Майами» - 4:1 (1:1)

Голдар: Нахар, 17 (1:0), Сеговия, 45+3 (1:1), Мухтар, 49 (2:1), Сарридж, 56 (3:1), Мухтар, 63 (4:1).

Соғылмаған пенальти: Месси, 23.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.