«Әрдайым ұлттық құрамада ойнауға дайынмын»: Покатилов – командаға шақырылуы туралы

«Мен әрдайым құрамаға шақырылуға дайынмын. Кез келген уақытта қайтадан команда сапында ойнап, көмектесуге қуанышты боламын – бұл мен үшін үлкен мәртебе болған, әлі де солай және болып қала береді. Мені құрамада өнер көрсетуден бас тартты деген сөздер тарапты. Бұл шындық емес, бірақ кейбір ерекшеліктер бар.

Командада Магомед Адиев жұмыс істеп жүргенде, қандай жағдай болмасын, құрама қақпасын басқа қақпашы қорғайтынын маған ашық аңғартты. Бірақ, түсініңіздерші, онда менің келуімнің қандай мәні бар? Талғат Байсуфиновтың штабымен де сөйлескенмін. Ол кезде құрамаға қажет екенімді сездім және оны айттым да. Бірақ маған қайтадан сенім артылмайтынын ұқтым – тек жастарға қолдау көрсету тұрғысынан болмаса.

Әрине, ұлттық құрама – әрбір спортшы үшін ең биік шың. Бірақ жеке амбициялар бар, оның үстіне жас та келіп қалды, сондықтан шындыққа тура қарау керек. Менің де өз клубым бар, онда да үлкен мақсаттарды шешіп жатырмыз. Құрамадағы жаттығулар клубтағы жаттығулардан түбегейлі ерекшеленеді. Тіпті ойын практикасын айтпағанда, бабымды да жоғалтып аламын. Осы тұста мені түсінуге болады деп ойлаймын: мен жай ғана жаттығып, «жаттықтыру» үшін келуге дайын емеспін.

Дегенмен, мен әрдайым құрама жағындамын және шын жүрегіммен оның матчтарына қатысқым келеді. Өзімді жүз пайыз шынайы патриот деп есептеймін, ешкім маған керісінше айтып кінә таға алмайды. Әркімнің алдында ақтала алмаймын ғой. Өзіме толықтай сенімдімін және не айтып тұрғанымды, жүрегімде қандай сезім бар екенін жақсы түсінемін», – деп келтіреді Покатиловтың сөзін журналист Тимур Камашев.

Еске сала кетейік, Покатилов капитандық рөл ойнайтын «Сабах» Чемпиондар лигасы іріктеуінің плей-офф раундына шықты. Әзербайжандық клуб қарымта кездесуде даниялық «Орхусты» 4:0 есебімен тас-талқан етті (алғашқы матч – 1:2). Топтық кезеңге шығу үшін «Сабах» израильдік «Хапоэль» Беэр-Шевамен таласады.

33 жастағы қақпашының еншісінде Қазақстан ұлттық құрамасы сапында 29 матч бар. Соңғы рет ол ұлттық құрама жейдесінде 2025 жылы Беларуське қарсы жолдастық кездесуде (1:4) алаңға шыққан. 2025 жылдың қазан айында Лихтенштейн (4:0) мен Солтүстік Македонияға (1:1) қарсы ойындарға шақырылғанымен, қосалқы құрамда қалған еді.

Покатилов «Сабах» сапында Әзербайжан чемпионы және ел Кубогының екі дүркін иегері атанды. Ал Қазақстанда қақпашы «Қайратпен» бірге ЖҚЛ чемпионы болып, «Тобылмен» Суперкубокты ұтып алды және төрт рет Қазақстан Кубогын басынан жоғары көтерді.

Айта кетейік, тамыз айында Қазақстан құрамасының бас бапкері болып нидерландылық маман Джон ван ‘т Схип тағайындалды. Қыркүйекте ұлттық құрама Ұлттар лигасының 2026/27 маусымын бастап, Фарер аралдары, Словакия және Молдова құрамаларына қарсы өнер көрсетеді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.