"Манчестер Юнайтед" АПЛ сұрмергеніне назар аударды

Инсайдер Бен Джейкобстың мәліметінше, «Манчестер Юнайтед» жазғы трансферлік терезеде «Брентфорд» шабуылшысы Игор Тьягоны қатарға қосу мүмкіндігін қарастырып жатыр.

Дереккөздің хабарлауынша, манкуниандық клуб өкілдері бразилиялық форвардтың айналасымен байланысқа шығып, футболшының ұстанымы мен ықтимал трансфердің шарттарын алдын ала талқылаған. Дегенмен, келіссөздер әзірге бастапқы кезеңде ғана.

Қазіргі таңда «Манчестер Юнайтед» үшін негізгі трансферлік басымдықтар – орталық жартылай қорғаушы мен сол қаптал қорғаушысын күшейту. Осыған байланысты клуб әзірге шабуылшыны сатып алу ісіне толық кірісе қойған жоқ.

Сонымен қатар, Тьягоның трансфері Джошуа Зиркзенің болашағына да байланысты болуы мүмкін. Егер нидерландтық шабуылшы командадан кетсе, «қызыл шайтандар» шабуыл шебін күшейтуге ден қойып, бразилиялық ойыншыны алу үдерісін жеделдетуі ықтимал.

25 жастағы Игор Тьяго 2025/26 маусымында барлық турнирде 40 матч өткізіп, 25 гол соғып, бір нәтижелі пас авторы атанды. Оның 22 голы Англия Премьер-лигасында тіркелді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.